محمد رمضان يشارك جمهور كواليس حفل المعرض الأفريقي في مصر

أحياء الفنان محمد رمضان حفلا غنائيًا، الثلاثاء، ضمن فعاليات المعرض الأفريقى IATF، المقام فى مركز المنارة للمؤتمرات بالتجمع الخامس بحضور عدد كبير من الشخصيات العامة والمشاهير.

ونشر رمضان الفيديو عبر «الإنستجرام» أثناء غنائه فى الحفل على عدد من الأغانى وأبرزها «نمبر وان» و«ياحبيبي» و«الناس الصفرا» و«أنا عايز البيضا لا عايز السمرا» و«ثابت» وعدد كبير من أغانى الشهيرة، وسط هتاف وتصفيق من الجمهور الحاضر.

وكان الفنان محمد رمضان علق على أزمة تصريحات الفنان بيومى فؤاد التى شّن خلالها هجومًا على الفنان محمد سلام بعد انسحابه من مسرحية «زواج اصطناعى» ضمن موسم الرياض، لعدم قدرته على تقديم العرض بالتزامن مع العدوان على غزة.

وفى مقطع فيديو نشره محمد رمضان عبر حسابه على إنستجرام قال رمضان: «شيء قاسى إن يبقى أكتر حد إنت عايز تسعده وتبسطه وتنال رضاه هو اللى يكون قاسى عليك بالكلام.. كلامى عن إخواتى وحبايبى بيومى فؤاد ومحمد سلام وأنا بتشرف بزمالتهم الاتنين».

وتابع: «مساء الخير عليكم، مساء الخير لكل جمهور عربى ... راس مال أى فنان هما الناس اللى هما حضراتكم، بنطلب من كل حبايبنا ومن كل اللى حوالينا ومن أبويا وأمى يدعو أن ربنا يحبب فيا الناس ويحبب فيا الجمهور اللى هو حضراتكم».

وأضاف محمد رمضان: «لا محمد سلام غلط ولا بيومى فؤاد غلط ده إحنا لو غلطنا واحنا بنصلى ربنا بيسامحنا ايه اللى هما عملوه عشان كل ده؟ وكل اللى بسمعه خلال الأيام اللى فاتت عن سلام إنه مش هيشتغل تانى دا مش هيحصل لا إحنا كفنانين هنسمح بدا ولا الجمهور هيسمح بدا ولا إحنا مع اللى بيحصل فى بيومى بعد ما قفل التعليقات بسبب الانتقادات اللى بتجيله... يا ريت نكون أحن من كدة على بعض».

وكان سلام أعلن اعتذاره عن السفر إلى السعودية لعرض المسرحية تعاطفًا مع المجازر الإسرائيلية بحق الفلسطينيين فى غزة، وبعدها بأيام علق بيومى فؤاد، بطل المسرحية، على الأمر، مهاجمًا موقف سلام، ما عرّضه لانتقادات واسعة من الجمهور والفنانين.

قد يهمك أيضــــــــــــــــًا :

محمد رمضان يوجه رسالة إلى الفلسطينيين

محمد رمضان يدافع عن بيومي فؤاد ويوجه رسالة للجمهور