داليا مصطفى تؤكد أن "كورونا" فيها خير و"الثنائيات" ظاهرة صحية في الدراما

قالت الفنانة المصرية داليا مصطفى، إنها تعتبر فيروس كورونا المنتشر حاليًا في جميع أنحاء العالم، حالة طارئة وسوف تمر بسلام، لافتة إلى أنها دائمًا ما تشعر بأن أي ابتلاء يكون وراءه خير، وعن أعمالها الفنية الجديدة، أوضحت داليا "عندي فيلم (قبل الأربعين) يا رب ينزل قريب، بس مرعوبة طبعا وده شيء طبيعي"، مضيفة: "مرعوبة لإني بقالي 11 سنة معملتش حاجة في السينما، والفيلم ده اخترته بعد غياب طويل وأتمنى يبقى حاجة كويسة ويعجب الجمهور إن شاء الله". وعن انتشار الأعمال الفنية التي تنتمي إلى الرعب والإثارة، قالت: "تقريبا طالعة موضة، من السينما والتلفزيون في أعمال رعب، أعتقد ده نوع من أنواع التغيير". وأردفت: "في دراما رمضان لسة معنديش حاجة معينة، بس بنصور مسلسل (في يوم وليلة) مع شيرين عادل، أحمد رزق، نضال الشافعي، أيتن عامر، سوسن بدر، صلاح عبد الله، ومجموعة كبيرة جدا".

وعن رأيها في ظهور ثنائيات بالأعمال الفنية واختفاء ظاهرة "البطل الأوحد"، قالت: "دي حاجة حلوة أوي ورائعة، أتمنى ميبقاش اتنين بس، أتمنى يكون في تلاتة وأربعة نجوم في عمل واحد، يعني مثلا فيلم العار كان في أربع أسماء نجوم، وده شيء مهم، الناس تحب تتفرج عليه وأعتقد إنها ظاهرة صحية". وكانت داليا مصطفى، قد وجهت رسالة إلى زوجها الفنان شريف سلامة، بمناسبة عرض فيلمه الجديد "عمار" في مهرجان القاهرة السينمائي بدورته الـ42 ومنافسته على الجوائز. وقالت داليا على هامش مشاركتها في مهرجان القاهرة: "عاوزة أقول لشريف جوزي حبيبي يا رب بالتوفيق والنجاح وإن شاء الله فيلمك الجديد يكسر الدنيا".

وأضافت مصطفى: "أتمنى أكون معاه في أي عمل فني، ولو اتعرض عليا حاجة كويسة هنقدمها مع بعض أكيد، وبإذن الله ده يحصل قريب". وعن كيفية تعامل شريف سلامة مع الشخصية التي لعبها في الفيلم، خاصة أنه ولأول مرة يقدّم فيلم رعب، قالت: "أنا كنت عايشة في حالة رعب، لإنه من نوعية الممثلين اللي لما بيمثل دور بيأثر عليه وشخصيته بتظهر عليها التأثير ده في البيت، هو أول فيلم رعب بالنسبة له، فكان قلقان جدا".وأردفت: "في يوم وهو بيصور وقع على رقبته لوح زجاج كبير، ورقبته اتقطعت بجد وخد كذا غرزة وباينة لغايت دلوقتي العلامة عنده، فهو تعب أوي"

قد يهمك ايضا:

الفنانة المصرية داليا مصطفى تخضع لعملية جراحية

داليا مصطفى تكشف موعد استئناف تصوير مسلسل "في يوم وليلة"