إيمان سلامة ترفض تجسيد شخصية سعاد حسني في أي عمل درامي

كشفت الفنانة الشابة إيمان سلامة، شبيهة سعاد حسني، عن رفضها تجسيد شخصية السندريلا في أي عمل درامي، مؤكدة أن سعاد حسني حالة لن تتكرر، وتقليد شخصيتها مسؤولية كبيرة على أي ممثل.وكتبت إيمان سلامة، منشورًا عبر حسابها الشخصي بموقع التواصل الاجتماعي "فيسبوك"، وقالت: "كلمتين نقفل بيهم موضوع سعاد حسنى الله يرحمها، لا حد يكلمني يسألني عن رأيي فى الفنانة الفلانية اللى بتقول تعمل سعاد حسنى ولا عن رأيي فى كثرة الأخبار والدعم من زوجها والناس مش عاجبها ولا عاجبها". وتابع: "أولًا.. أنا مالي لا أنا وصية على حد ولا ليه علاقة مين يعمل أو ميعملش ربنا يوفق الجميع والناس أحرار يحبوا أو لأ وطبيعي جدًا زوجها يدعمها مش عيب.. ثانيآ أنا ممثلة و طبيعي أي ممثلة أو ممثل لما يكون عنده حاجه بتميزه بيشتغل عليها ويعرضها للناس من باب إنها إمكانيات تمثيلية وإنه يقدر يتلون ويعمل أكتر من حاجة وده اللى أنا عملته بصور الشبه بسعاد حسنى وأى ممثلة مكاني مع تشجيع الناس هتعمل زى ما انا عملت وطبيعى، زى ما كمان أثبت بشغلى وكنت قاصده أكون بعيدة تمامًا عن الشبه ده لما عملت دور ليلى فى الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش يعتمد على شكلى او شبه نهائي".  وأضاف: "ثالثًا.. و ده الأهم بالنسبالي أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابة إثبات إمكانيات ممثلة واجتهاد مني والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور.. سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".

قد يهمك ايضا:

شقيقة سعاد حسني تكشف اتفاقها مع وحيد حامد بشأن مشروع حياة "السندريلا" ولكنه لم يكتمل

سمير صبري يؤكد أن الراحلة سعاد حسني قُتلت في منزلها