ريهام سعيد ريهام سعيد تُهاجم منتقديها وتوجه رسالة غامضة

وجهت الإعلامية ريهام سعيد رسالة هجوم على منتقديها ومن حاولوا تصدير أفكار خاطئة عنها، بحسب قولها، منتقدة الأخبار التي تنشر عنها في الصحف.وكتبت ريهام سعيد رسالة مطولة على حسابها الشخصي على موقع التواصل الاجتماعي فيسبوك قائلة: "حسبي الله ونعم والوكيل في كل مفتري وفي كل أفاق ساهم أنه يقضي علي مجهود ناس استمر لسنين طويلة".

وتابعت ريهام سعيد: "حسبي الله ونعم الوكيل في كل واحد ساهم أنه يصدر فكره غلط عني وعن شخصيتي،  حسبي الله ونعم الوكيل في كل واحد جاب سيأتي عشان يشدني لمشكلة وأطلع في الآخر بتاعت مشاكل لما يكون ليه رد فعل، حسبي الله ونعم الوكيل في كل واحد غلط فيه من غير سبب عشان كل ذنبي أني نجحت".

وأوضحت أن هناك من تسبب لها في المشاكل في حياتها، قائلة: "حسبي الله ونعم الوكيل في كل واحد وقفت جنبه و اتخلي عني في وقت شده و عارفاهم بالاسم و مش هانس،  حسبي الله ونعم الوكيل في كل واحد مايعرفنيش وقال كلمة وحشة عني، حسبي الله ونعم الوكيل في كل صحفي كتب خبر في عز ازمتي عشان يقضي علي شغلي واسمي، حسبي الله ونعم الوكيل في الي اتسبب أن أطفال ماتت كل ما كان البرنامج بيقف، حسبي الله و نعم الًوكيل في كل واحد كتب بوست شتيمه عن جهل لما سمع و ماشافش المهم أن كل دول فاهمين أنهم انتصروا غلطانين".

وهاجمت ريهام سعيد من تسببوا في حبسها، معلقة: "أنا صحيح اعتزلت لكن انتوا كل يوم بتعرفوني قد ايه أنا ناجحة ومهمة و شاطرة، عرفتوني قيمة الحياة الحقيقية وهي الزوج و العيله والأولاد عرفتوني أن المتعة الحقيقية في طاعة الله وعبادته شكرا لكن اوعوا تستهونوا بحسبي الله ونعم الوكيل والله الحق راجع والأذى راجع تالت و متلت.اما بقي الي رماني في السجن ظلم ده حسابه عند ربنا عسير انا ام سبت ابني عنده شهر من غير رضاعه من غير ما اعمل اي حاجه".
ريهام سعيد تكشف سبب رسالتها

وحول سبب حديثها الآن حول تلك الأمور، أوضحت قائلة: "كتبت الكلام ده لاني تعبت من الافتري الي في كل حته و المصلحنجيه الي كانوا حواليه الي فص ملح و داب دلوقتي و الناس الي كسبت من ورايا ملايين ورموني في الأخر و خربوا بيتي".

ووجهت ريهام سعيد نصيحة للجمهور بعدم تصديق كل ما يكتب عنها في الفترة الأخيرة، معلقة: "ماتصدقوش كل حاجه تتكتب، من اسبوع في صحفي قال اي ان انا كدابه و افاقه و اني عايشه في دور الضحيه و هو عمره ما شافني و لا قابلني و لا شاف مني حاجه و حسه ان شاء الله تصحي من النوم تلاقي الصراصير ماشيه علي وشك زي ما كان بيحصل لي عشان تعرف اني اقوي من اي حد و عمري ما قلت اني ضحيه باذن الله باذن الله ربنا يعرفك انك ظالم و غلطان و اني اتعذبت في حياتي بسبب امثالاك في جهنم ان شاء الله".

وأكملت: "ماتصدقوش اي حاجه تنكتب او تتقال علي حد امشوا بكتاب ربنا. عارفه ان معنديش ضهر و لا علاقات و لا نفوذ لكن ايه رب اسمه الكريم العادل القهارانا ولا اخدت صور من علي موبايل و لا شتمت تخان و لا خطفت عيال و لا خليت التعلب يعيط، انا قضيت عمري في خدمه الناس الي هما اهلي يكفيني فخرا اني عمري ما كذبت ولا كنت بوشين دائما كنت بقول الحق يكفيني ان لغايت دلوقتي محدش عرف يحقق الي انا حققته من غير وسطه و لا امكانيات .انا عمر ما حد طلب مني حاحه معملتهاش بحب و اتقا، .يا رب يا رب يا رب اشوف حقي راجع من كل الي ظلمني قبل ما اموت".
ريهام سعيد تعلن اعتزالها

وكانت الإعلامية ريهام سعيد، أعلنت قرار اعتزالها النهائي من تقديم البرامج مرة أخرى وعودتها لحلمها وهو التمثيل الذي تركته عام 2015من جديد، وذلك في يوليو الماضي.وحول أسباب اعتزالها، أوضحت ريهام سعيد: "انا حصل لي مشاكل كتير من المهنه دي بتاثير باطل من السوشال ميديا من منافسين و اعداء بسبب المشاهده العاليه جدا و النجاح انا تعبت و حسه اني قدمت كل الي ممكن يتقدم و الدوله عامله الي عليها و مش محتاجين دور المجتمع المدني في مساعده الناس و لكن انا ليه الشرف اني اشتغلت في المهنه العظيمه دي الي ليها رساله ساميه و عظيمه و ليه الشرف اني كنت اعلاميه في اصعب وقت مر علي الاعلاميين ايام حكم الاخوان و الحمد لله كان لينا موقف واضح و ماتغيرش و لا دقيقه".

قد يهمك ايضا 

ريهام سعيد تتنازل عن بلاغها ضد ريم البارودي بعد توسّط إيناس الدغيدي

ريهام سعيد تكشف تفاصيل دعوى قضائية وخلاف عميق مع الفنانة ريم البارودي