الإعلامي عمرو أديب يوجه نصيحة للمصريين "خلوا بالكم من فلوسكم"

دعا الإعلامي عمرو أديب المواطنين غلى التحلي بثقافة الترشيد خاصة في ظل الظروف الاقتصادية التي يمر بها العالم بعد الحرب الروسية الأوكرانية، ناصحًا المصريين بضرورة الحفاظ على أموالهم في ظل أجواء الحرب.وقال عمرو أديب في برنامجه «الحكاية» على قناة «أم بي سي مصر»: «الدولة متكفلة بالمواطن اللي بياخد التموين، ده حاجة مفيهاش كلام. أنا بتكلم عن صانع السوق والقوة الشرائية، أنا النهارده مش شاري من المكان ده بالسعر ده».

أضاف: «الأسعار زادت في مصر والعالم وكل مكان في الدول الغنية والفقيرة والاشتراكية والرأسمالية. الفواتير زادت المياه والكهرباء والغاز. من بعد العيد عندنا زيادة في منتجات الألبان من 10-15% وجايز تزيد مرة أخرى. أنت عايش في عصر الحرب، ولازم أنت وعيلتك وناسك تقولوا لا مش هنشتري الحاجة دي بالطريقة دي تاني».

تابع: «هي مش قضية معاك فلوس أو لا هي قضية التدبير. أول ما بكرة يبقى غامض أمسك في فلوسك. رئيس الوزراء البريطاني بوريس جونسون من يومين طلع قال: أسف في ناس مش هنعرف نعملها حاجة. وابتدينا نتكلم بثقافة الحرب فعلا. أنت في مصر هنا ثقافتك مختلفة».

واصل: «هنا ده مش أسلوبك، أنت هناك أسلوبك مسؤول مسؤولية تامة كاملة عظيمة عن كل البشر، ولكن هنا تقوله في حرب ويقولك أنا مالي. يجب أن يكون لدينا ثقافة الأزمة».اختتم: «بقابل ناس من مختلف الطبقات، الجميع بشكل عام يفكر ويقول هيعمل ايه، آسف أن أحاول أقنعك تأخذ بالك على فلوسك. أنا مش بمهد التمهيد ده لحاجة هتحصل، أنا بتكلم على حاجة حصلت».

قد يهمك أيضــــــــــــــــًا :

الإعلامي عمرو أديب يطالب الجميع بدعم شيرين عبد الوهاب

الإعلامي عمرو أديب يثير الجدل حول غلاء الأسعار