غادة عبد الرازق تكشف مصير تعاونها مع ياسمين صبري وتوجه رسالة لشيرين

كشفت الفنانة غادة عبد الرازق لأول مرة عن كواليس أول مسلسل كان سيجمعها بالنجمة ياسمين صبري في موسم رمضان 2022 وسبب توقف إنتاجه، كما أبدت ندمها على دخول الوسط الفني مشيرة إلى أن والدها كان سيصبح وزيرا وتمنت لو اتخذت نفس مساره، ووجهت رسالة دعم لشيرين عبد الوهاب مؤكدة إنها مرت بنفس أحاسيسها وتشعر بمعاناتها.

أضافت غادة عبد الرازق في لقاء مع برنامج The Insider بالعربي، إنه كان بالفعل هناك مشروع للعمل بينها وبين ياسمين صبري، لكن توقف لأنه يتطلب التحضير لفترة أكثر من عام ونصف بحيث يكون عملًا قويًا يليق بأن يحمل اسم نجمتين في الدراما.وتحدثت غادة عبد الرازق عن مسلسلها الجديد الذي يحمل اسم أبواب خلفية، المقرر عرضه في النصف الأول من موسم رمضان 2022ـ قائلة: هاخد المشاهد لمنطقة جديدة عمره ما سمع عنها ولا عمره شافها، ولو شافها هيبقى ناس قليلة جدا، وهيبقى شافوا دا في صحابهم وقرايبهم والناس القريبة منهم.

تابعت غادة: بس هي مش حاجة معروفة على المستوى الاجتماعي، وقصة المسلسل متعملتش قبل كدا، ومش كل الناس تسمع عن المرض دا رغم أنه موجود فعلا وفيه ناس كتير مرت بيه واتعالجت منه وناس متعالجتش منه.وأبدت غادة عبد الرازق ندمها لدخول الوسط الفني، وقالت: أنا ندمت على دخول الوسط الفني بسبب تراكمات من حاجات كتير أوي، والتراكمات دي بتوصلك لمرحلة أنك تقول الطريق دا دمرني أوي وأخد مني أوي ومن حياتي وجه عليا.

وواصلت غادة: كان حلمي أدخل السلك القضائي، وياريتني كنت كملت زي بابا هو اتخرج من كلية الحقوق ودخل مجلس الدولة وكان قبل ما يموت بشهر كان هيبقى وزير الاستثمار.واختتمت غادة: أنا مش عارفه ليه مروحتش للسكة بتاعت بابا دي، وروحت في سكة تانية خالص، وباجي في وقت من الأوقات وبقول ياريتني.

ووجهت غادة رسالة دعم للفنانة شيرين عبدالوهاب بعد ظهورها الأخير ومفاجأتها للجمهور بـ«قص» شعرها بشكل كامل، قائلة: شيرين عبدالوهاب متعودة من صغرها على الأزمات، وكانت بتقع وتقوم، يمكن وقعتها المرادي خضتنا كلنا.وأضافت: أنا كغادة بحس الأحاسيس دي وبمر بيها، مخضتنيش أنا كنت حاسة في يوم من الأيام أني أوصل للمرحلة إلى فيها شيرين دلوقتي، بس بتفرق من فنان لفنان رد الفعل ممكن يبقا عامل ازاى أنا ممكن يبقا رد فعلي، مش حلاقة شعري، ممكن يبقا اعتزال.

قد يهمك أيضــــــــــــــــًا :

غادة عبد الرازق تحذف كل صورها من إنستقرام دون توضيح السبب

غادة عبد الرازق تكشف السبب الحقيقي وراء غيابها عن المهرجانات السينمائية