فيفي عبده تتحدث عن زيجاتها وموقفها من رقص حفيدتها وخيانة الرجال وتعرّضها للتحرّش

حلّت الفنانة فيفي عبده ضيفةً على برنامج "حبر سرّي" الذي تقدّمه الإعلامية أسما إبراهيم على قناة "القاهرة والناس"، حيث تحدثت خلال اللقاء عن تفاصيل حياتها الشخصية، وكشفت رأيها في تصرف المرأة بعد اكتشاف خيانة زوجها، ودخول حفيدتها عالم الرقص الشرقي، وتعرّضها للتحرش في فيلم "امرأة واحدة لا تكفي".

نقدّم لكم في السطور التالية أبرز ما صرّحت به فيفي عبده في البرنامج:

- "الرجالة كلها بتخون، واللي يقول مش بيخون وماشي على الصراط المستقيم مش صحيح".

- "لا بد الراجل يكون عنده نزوات، وبتبقى قمر وتتخان، والمفروض تعمل نفسها مش عارفة".

- "الست لو واجهت الراجل بخيانته أكبر غلط ليها في الحياة، والحياة دلوقتي صعبة ونسبة الطلاق عالية جداً".

- "الست حقها تفتش ورا جوزها، وحقه يخلّي باله من مراته ولكن الست لازم تفهم ولو عرفت أنه بيخونها تطنش".

- "الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدّي، وكان في ناس بتحاول تشككني في جوزي، ولكن مكنتش بعطي فرصة لكده".

- "كل يوم بيجيلي عرسان والكومنتات كلها طلبات زواج، لكن أنا ست متجوزة ولو أنا وحيدة أتجوز".

- "اللي بينتقدوا الزواج في السنّ الكبيرة... هي الكبيرة متتجوزش؟ وليه الكبيرة متتجوزش؟ والناس المفروض متنتقدش، وفيه ناس بتبقى محتاجة ونس في البيت".

- "لو حفيدتي طلبت ترقص هرفض، وأيامي كان الرقص حاجة تانية وكان فيه احترام، ومش ممكن أسمح لها بده وهي اتعلّمت، وأنا اتبهدلت في الشغل عشان أوصل لمكانتي حالياً، والرقص الشرقي كان زمان له جمهور وقيمة عن دلوقتي، وأنا برقص في البيت".

- "وفاة اتنين من إخواتي في سنة واحدة خنجر دخل في قلبي، ومكنتش عايزة أشوف حد ولا أتكلم مع حد، وكنت شغّالة على مهدئات ونفسيتي كانت وحشة".

- "أنا أضعف إنسانة في الدنيا، والقوة اللي بظهر فيها باخذها من حب الجمهور وبيعطوني الطاقة لأقف على رجلَيّ".

- "لما بيحصل كده من فقدان أهل بهرب، وبفضل نايمة ومش عايزة حد يفكّرني ولا يقولي البقاء لله، ولا عايزه أواجه حد والألم بيكون فظيع".

- "أنا مقدرش أكون زوجة تانية، وحتى لو هو متجوز المهم إني معرفش الأولى ولا أشوفها، ولو حد اتقدملي ومقاليش إنه متجوز هحترم ده وهعمل نفسي مش عارفة، وهو ميقدرش يقولي إنه متجوز، أصل الرجالة اللي بتدوّر عليا مش أنا اللي بدوّر عليهم، كل اللي عايزة أعرفه إنك الراجل بتاعي حبيبي، وماليش دعوة بأي حاجة تانية".

- "أنا معترفة بالجواز العُرفي وأكيد مش هخلّي راجل يلمسني من غير جواز، وأنا بعتبر الجواز العُرفي فترة خطوبة، وبعدين أكتب الكتاب رسمي لما أعرفه".

- "بتجوّز وأنا مش عارفاهم، والحمد لله جوازاتي كلها محترمة".

- "كنت في مشهد في فيلم "امرأة واحدة لا تكفي"، والمفروض إن بيت أخويا وقع وبينزّلوني من البيت وهما بيشيلوني بالسلّم لاقيت واحد شايلني بيحسّس وهو نازل وإيده على ضهري، نزلت عليه ضرب بالأقلام".

   قد يهمك أيضــــــــــــــــًا :

فيفي عبده تنتقد وصف الراقصة

فيفي عبده بتصريحات مثيرة للجدل عن الرقص والحجاب والزواج