والد زوجة الفنان أحمد السقا يعود لطليقته وهو في العناية المركزة

قصة ولا في الخيال كشفت عنها الإعلامية المصرية ​مها الصغير​ زوجة الممثل المصري ​أحمد السقا​، وتحديداً عن والدها الإعلامي المصري ​محمد الصغير​ الذي يتواجد حالياً في المستشفى للعلاج من تداعيات ​فيروس كورونا​، وطليقته أي والدتها، كاشفةً عن قصة حبهما التي إستمرت حتى بعد طلاقهما، والمفاجأة كانت بزواجهما من جديد وهو في العناية المركزة.

ونشرت مها عبر صفحتها الخاصة على موقع التواصل الإجتماعي صورة مركبة، جمعت فيها صورة قديمة لوالدها ووالدتها، وصورة أخرى ليد والدتها وهي تعانق يد والدها، وعلّقت بالقول:"في حاجه مهمه اوي عايزه كل العالم يعرفها ، و اكيد مش هعرف اكتب الكلام ده تاني...ابطال القصه دي هم ابي و حياتي كلها و الي يعرفني كويس يعرف ان محمد الصغير مش ابويا بس هو حب عمري و البطله التانيه هي اعظم ست في العالم ملكه العلايلي".

وأضافت:"قصه حب عشتها علي مدار كل يوم و كل ثانيه لغايه اللحظه حتي لما اتطلقوا كنت عارفه انه بيحبها و هي بتحبه و عمري ما شفته او شفتها سعيده غير و هي مراته".

وتابعت:"المهم امي اتجوزت ابويا و هي من عائله ارستقراطيه و هو من عائله بسيطه و تحدت اهلها و قطعوها و هو لم يكن معاه سوي ١٠٠ جنيهو حصل مشاكل و اتطلقوا من ٢٢ سنه و يوم ما تعب و هو حواليه ناس كتيييييييير اوي (بس في الافراح فقط)".

وأكملت:"طلب مني اطلب امي في التليفون و طلب يشوفها و جت له علي طول، يوم ما حس انه ضعيف اوي و تعبان بجد طلب ضهره و سنده الي بجد مش في المنظره و جت و طلب منها متزعلش منه و انها تتجوزه علي سنه الله و رسوله تاني

و اصدقاء الابطال في هذا الفيلم الجميل الي شهدوا هذه اللحظه هما انا و اخويا مصطفي و اخويا التاني الدكتور الي مسبنيش لحظه يحيي البستاني الدنيا اتدربكت و طلب مأذون و جه المأذون جوز ملكه العلايلي Malaka Elalaily لمحمد الصغير Mohamed Alsagheer علي سنه الله ورسول".

وختمت بالقول:"فهذه العظيمه اتجوزته و هو محلتوش حاجه و في عز ضعفه و رجعت له و هو في عز ضعفه برده و نام في حضنها و هو مرتاح اوي هو الان في امس الحاجه للدعاء لانه في لحظات حرجه اوي اوي اوي ادعوا له و اسفه اني طولت عليكوا".