ريم طارق تفجّر مفاجآت عن زواجها من حسن شاكوش

حلّت ريم طارق طليقة مؤدي المهرجانات حسن شاكوش، ضيفةً على برنامج "90 دقيقة" الذي تقدّمه الإعلامية بسمة وهبة على قناة "المحور".

وظهرت ريم وهي تبكي على الهواء قائلة: "اتحملت اللي محدش يتحمله، من البداية ومن رابع يوم في الزواج بشوف كل يوم قصة وموضوع، عايرني بمرضي، وكان عارف إني مُطلّقة، تزوجت شرعياً وانفصلت شرعياً وكان هناك قضية بيني وبين طليقي فكيف لا يعلم شاكوش بذلك؟".

وأضافت: "يكفي إني كنت مهددة بعدم القدرة على الرجوع للبيت إن خرجت منه، خلافات زوجية لكنها ليست مثل الخلافات التي تحدث بين أي شخصين متزوجين".

وتابعت: "حسن شاكوش طيب وابن حلال وجدع وشهم لذلك وافقت على الزواج منه، لكن الصورة حاجة والحقيقة حاجة تانية، حسن في البيت كان حاجة تانية خالص، شفت أبشع حاجات ممكن تتخيليها، شفت معاه كل حاجة وحشة محدش يقدر يتخيلها بعيداً عن الخيانة، الموضوع أكبر من الخيانة، بس إنسانياً ودينياً وأخلاقياً مش هقول، نفسي أقول للناس كلها بس مش هقدر أشيل الذنب ده، والموضوع كبير ومش هقدر أحكيه".وأكدت ريم طارق أن حسن شاكوش كان يعلم أنها مطلّقة قبل أن يتزوجها، موضحةً: "سأل عليّ من ثلاث سنوات وقالوا لي إني بتجوز وبحضر لفرحي، ولما حصلت مشاكل بعد كده وانفصلت اتقدم لي".

وأضافت: "لم أكن على علاقة به ولم أتعرف عليه من خلال السوشيال ميديا ولم أغشّه، لكنه كان جاي عن طريق أهله وأهلي مش عن طريقي... أهله كانوا يعلمون بأني منفصلة، لذلك لم يكونوا راضين عن إتمام هذه الزيجة، رغم إنهم كانوا متعاطفين معايا وكنا على اتصال دائم، بعد كده بقوا يهاجموني، وفي ناس عملت حسابات مزيفة وشتمتهم وشتمت شاكوش ومدير أعماله".

وأكدت: "أم حسن شاكوش حقانية جداً، لكني اكتشفت إن حد سخّنها، وللأسف حسن شاكوش مكنش قاعد في البيت، لما خلصنا حلقة "شيخ الحارة" مشفتهوش إلا بعدها بثلاثة أيام".

وعن أسباب طلاقها، قالت ريم: "كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي... وبينهم علاقة".

وأضافت: "قعدت 30 يوم في شهر رمضان أشوف حاجات زي كده ومختلفة، وفي وقت من الأوقات الفنانة دي حبّت تسمّعني صوتها، كانوا مع بعض وقعدت تضحك... حلال عليها، والحرف الثالث من اسمها هو الراء"...، لترد عليها بسمة وهبة قائلةً: "مترجعيش لحسن!".

وواصلت: "سبب آخر، كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقول لي يحرم عليّ كل جنيه بيدخل من "تيك توك"، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى... وأخد الفلوس، وأطلب منكِ مواجهة حسن شاكوش".

وتابعت: "ابتدت الأهالي تشيل من بعض من اللي بيحصل على السوشيال ميديا، بابا اتواصل معاهم وطلب حاجتي وكانوا عايزين يقابلوه على كافيه ويطلقوني على كافيه؛ لأنهم بيطلقوا على كافيهات، فبابا قالهم أنا عندي بيت وهاتوا الناس اللي عندكم كلهم ونقعد ولو بنتي فيها عيب، أنا هتنازلكم عن كل حاجة، مرضيوش ييجوا البيت".

وأضافت ريم: "لما عرفوا إني عملت محضر إثبات حالة إن أوراقي وكل حاجتي هناك عنده، فتواصلوا مع أولاد عم بابا وقالولهم إحنا عايزين نخلص بس بمزاجنا بالحاجات اللي نشوف إن ده حقها، لما روحت عملت محضر إثبات حالة، معجبهوش الوضع؛ لأنه مشهور".

وتابعت: "حسن قالي إنتي بتكتبي على السوشيال ميديا، ديه لعبتي، أنا هتسلّى عليكي وعامل شركة يتسلّوا عليكي وعلى أهلك وخفت شوية، وفعلاً نزلوا صورنا واتكتب عليا كلام وحش وإني سبوبة واللي عايز يدفع أكتر، هو أساساً حسن مجابليش حاجة عشان يقولوا إني سبوبة، حسن مصرفش عليا جنيه، مخدتش من حسن جنيه، ومدفعش مهر، وهو كان محضّر بيته وحاجة العروسة أنا جبتها، وهو جاب شبكة بسيطة جداً، ومامته حكمت إن القايمة تتكتب مش بقيمة معينة".

واختتمت طليقة حسن شاكوش حديثها بالقول: "وعشان الرسوم بتاعة الدولة اتكتب المؤخر على الصداق المسمى بيننا، ولكن المؤخر كان 500 ألف جنيه، هو بيقول إني عايزة 5 ملايين جنيه، كل ده كدب وإشاعات وكل ده عشان سر أنا حفظاه، كان عنده مشاكل كتير وكنت بقرأله قرآن وآخر أيام أنا خليته يصلّي وده كان مستبعد".

قد يهمك أيضــــــــــــــــًا :

طليقة حسن شاكوش تكشف المواقف التي تسببت في الانفصال

الشرطة المصرية تتحفظ على حسن شاكوش