المطربة شذى تُهاجم حسن شاكوش

شنّت المطربة شذى عبر حسابها الشخصي في موقع التواصل الاجتماعي "فيسبوك" هجوماً حادّاً على مؤدي المهرجانات حسن شاكوش، على خلفية اتّهامه صُنّاع أغنية "حاجة مستخبية" لمحمد حماقي بسرقة اللحن من أغنية تركية، قائلةً: "كلامك بالنسبة ليّ كوميديا سوداء، وهبد غير طبيعي... كنت بضحك وعايزة أكسر التليفزيون من كمية الاستفزاز، وبالأخص الجزء بتاع الرد إن محمد حماقي أصلاً سارق اللحن من أغنيه تركي؟ وأساساً الأغنية التركي نازلة بعد أغنيه حماقي بسنتين على الأقل!".

وأضافت: "أغنية حماقي من 2012 جايبة 16 مليون بس؟! نقف بقى هنا... أولاً لما نجحت أغنية وسارق لحنها، طيب كنت من باب العلم بالشيء ثقف نفسك واعرف تاريخ اللحن ده إيه، ومين اللي واخده من مين... تاني حاجة قصدك إيه بأغنية حماقي جايبة 16 مليون بس، إنك أجمد وكده من حماقي! ما هو مش معنى إن في هوجة وانحدار في الذوق، تتخيل إنك جامد أوي... وتتكلم بتعالي كأنك مغني قصيدة الأطلال".

واختتمت شذى هجومها مؤكدةً: "والله أمثلة بجد تكره الواحد في اليوم اللي فكر يسيب فيه حاجات كتير بيحبها، علشان يخبط في العالم دي... ولقب فنان ده يتقال على كل من هبّ ودبّ، وبقى مقياس النجاح وتقدير حجم الموهبة مربوط بالمشاهدات، وحسابات أبعد ما تكون عن المهنية والفن، لنا الله والله".

قد يهمك أيضــــــــــــــــًا :

حسنْ شاكوشٍ يتراجعُ ويعتذرُ عنْ اتهامهِ لصناعِ أغنيةِ " حاجةٍ مستخبية " بسرقةِ لحنها

اشتباكات بالأيدي وانسحابِ هاني شاكرْ منْ مؤتمرِ " اعتذارِ " حسنْ شاكوشٍ