والد ياسمين صبري ينتقد ابنته بعد تصريحاتها الأخيرة بادعاء الفقر

عادت من جديد الفنانة ياسمين صبري تتصدر للظهور بتصريحات خاصة حول حياتها السابقة، حيث جاء الرد مرة أخرى من والداها الطبيب أشرف صبري، والذي انتقد تصريحاتها الأخيرة التي جاءت عبر تطبيق " سبيس تويتر"، حيث قالت أنها كانت في مدرسة حكومية وكان مصرفها اليومي صغير جدًا وينفذ سريعًا، حيث كانت تذهب إلى المدرسة والنادي سيرًا على الأقدام لعدم قدرتها على تحمل تكاليف المواصلات في هذا الوقت.

وجاء رد الطبيب أشرف صبري والد ياسمين صبري بصورة خاصة من أحد المدارس العريقة داخل محافظة الإسكندرية والتي مازالت إلى الآن أحد المدارس الخاصة التي تتبع مناهج أوروبية، حيث كتب تعليق غاضب عن مدى تشويه الحقائق وقلبها، من أجل كسب المزيد من المعجبين من حولها، حتى لو أدعت الفقر بالرغم من أن ملابسها كانت تأتي سنويًا من باريس.

حيث كتب أشرف صبري عبر حسابه الشخصي على موقع الفيس بوك قائلًا :" دي المدرسة اللي اتخرجت منها بناتي اللي واحدة منهم بتدعي انها كانت في مدارس عربي وعاشت حياة بائسة فقيرة وأنها وصلت بمجهودها".

أضاف خلال حديثه: "هو الكدب في حد يوصل للدرجة دي؟ انا افهم الكدب لما تبقي غلبانة وتكدبي تقول انا من عيلة كبيرة ومدارس اجنبية وعيشت في سراية وبابي كان وزير وهو بيشتغل عامل! يبقي كذب له مبرر! لكن ان واحدة اتولدت لها شغالة فليبينية بتلبس من باريس لاني كنت باجيب لها لبسها من هناك ودخلت مدرسة ال EGC ارقي مدارس اسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها".

استكمال انتقاده لها على ما صرحت به قائلاً: "كانت بليدة وطلعت روحي ويا دوب تنجح بالعافية بخمسن في المية وكانت بتروح الكلية بالعافية واصحيها الصبح بالساعة عشان تروح الكلية وتترفد في السنة مرتين وعميدة كلية اعلام بيروت موجودة وتشهد كنت اروح دايما اقدم اعتذارات وشهادات طبية عشان ترجع الكلية وشهاداتها عندي كلها كحك وابوها دكتور".

تابع قائلا: "تطلع تدعي انها عاشت حياة بائسة وغلبانة وبتكمل باقي الشهر من غير فلوس! ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟. حتاخدي نيشان يعني علي خيبتك وفقرك وصلتي وبقيتي حاجة؟ انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك".

واختتم رسالته إلى ابنته قائلًا : "حتي اخوكي بهدلتيه اللي طول عمره جنبك وبيجي من اخر الدنيا عشانك! ياشيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك ابوكي اللي رباكي منك لله"

يذكر أن الفنانة ياسمين صبري قد تصدرت تريند البحث على مؤشر البحث العالمي "جوجل" عبر مجموعة من التصريحات يوم الثلاثاء الماضي، حيث قالت خلال بث مباشر لموقع " تويتر" قصة كفاحها والتي أوصلتها إلى النجاح والشهرة، وأن ما حلمت به قديمًا وحققته حديثًا، حيث قالت أنها عاشت ظروف قاسية وصعبة في طفولتها لم تمنعها من الوصول وتحقيق أهدافها، كما أنها لم تستلم لإي من الإحباطات من حولها أو أي طاقة سلبية قابلتها أثناء رحلتها إلى النجاح.

حيث قالت ياسمين عبر جلسة حوارية في خاصية "سبيس" على موقع "تويتر"، أدارها الكاتب تامر عبده أمين: "أنا كنت عايشة في إسكندرية في أسرة طبقة متوسطة، ومصروفي كان قليل جدا ولو خلص بكمل الشهر مع نفسي، وكنت عايشة في بيت جدي وجدتي، وفي مرحلة من حياتي كنت في مدرسة حكومية".

استكملت حديثها قائلة : "كنت بلعب سباحة وكل يوم بروح التمرين مشي، وأنا ماشية كنت بتخيل إني هيبقى عندي أحلى حاجة في الدنيا، كنت بتخيل حاجة هتحصلي في الحقيقة، وإن هيبقى عندي أحلى جزم وشنط وبيت وعربية، وكل حاجة أحلى، ومكنش في أي حاجة تدل إني هحقق ده، بس كنت بشعر إني أستحق وكنت بحب نفسي، مكنتش أعرف إن ده جزء من قانون الجذب، بعد شوية حققت جزء من أحلامي، وبعده جزء، وكل شوية أحلامي بتكبر".

أضافت خلال مداخلتها في هذه الجلسة قائلة : "الإنسان هو اللي بيصنع مصيره والعالم والواقع اللي عايش فيه، وعشان كده إحنا بنتحاسب في الآخرة، إحنا مخيرين، الإنسان كل يوم بيبقى عنده اختيارات، والكون عبارة عن مينيو كبير، وانت اللي بتختار لك ولا حد يفرض عليك حاجة، فكر بنفسك واحسبها وتوكل على الله واختار، ولما تطلب من ربنا أطلب أحسن حاجة، وهتاخد أحسن حاجة، وكرم ربنا لا ينتهي، مفيش حنفية ويتقالك كفاية كده، أنا لا أؤمن بموضوع 24 قيراط وإن ليك عدد معين، أنت لو عايز الدنيا هتاخدها".

وخلال حورها أكدت الفنانة ياسمين صبري على أن ما يسعى إليه الإنسان هو ما سوف يجده في حياته، وقالت عن هذا : " نستحق كل حاجة حلوة في الدنيا، لازم نسعى ونحلم، لأن اللي مبيحلمش ده شخص ميت، لما تطلب من ربنا الكبير أطلب كتير، نستاهل نكون في مكان أفضل

قد يهمك أيضــــــــــــــــًا :

ياسمين صبري توجه رسالة حول تمكين المرأة في فعاليات إكسبو 2020 دبي

ياسمين صبري تطالب بالمساواة بين الجنسين