نشوى مصطفى ترد بقوة على مشاركة النجوم فى موكب المومياوات

نشرت الفنانة نشوى مصطفى تعليقا عبر صفحتها على موقع التواصل الاجتماعي فيسبوك بشأن حالة الجدل الواسعة التى أثيرت فى الأيام القليلة الماضية حول مشاركة النجوم فى موكب نقل المومياوات والذى يقام فى 3 أبريل المقبل والذى يطلق من المتحف المصرى إلى المتحف القومى للحضارة.   وقالت نشوى : "كلمة أخيرة فى احتفالية نقل المومياوات، خلونا نتفق أن أبطال الحدث والنجوم العالميين هما الاتنين وعشرين مومياء اللي أكيد شهرتهم العالمية أقوى بكتير من شهرة أي حد تانى، يعنى هما أصحاب الفرح، علشان كده كنت شايفة الخناقات اللي حصلت على السوشيال ميديا الفترة الاخيرة مش فى محلها أوى". 

واوضحت نشوى : "كان الأولى نتخانق ونطالب أن الموكب يكون فيه مثلًا نجوم عالميين بحجم محمد صلاح، نور الشربينى، خالد النبوى، رامى مالك، مينا مسعود. وأتمنى ان اشركة المنظمة تكون افتكرت تقدم الدعوة للدكتور مجدى يعقوب، المهندس هانى عازر وكل النجوم المصريين العالميين فى مجالات مختلفة.  وأضافت مصطفى: " بإذن الله حيكون حدث عظيم مبهج يساعد مصر سياحيًا وبالتالى اقتصاديًا بشكل كبير. ويا رب ندعى لجدودنا الفراعنة اللي لحد دلوقتى متمرمغين فى خيرهم ونحاول نشتغل ونشتغل ونشتغل علشان ولادنا يفتخروا بينا أو لو مش حابين نشتغل وفرحانين بالرغى والصريخ على السوشيال ميديا، نسيب الناس اللي بتشتغل تشتغل فى صمت ومانعطلهمش".

قد يهمك ايضا:

نشوى مصطفى تؤكّد تعرضها لـ"تجربة صعبة" جدّدت إيمانها

استقرار حالة نشوى مصطفى ومصادر تؤكد "استغنت عن أجهزة التنفس"