ابن مجدي كامل يصدم الجميع بالإعلان عن مرضه

أثار اللاعب عادل مجدي كامل، ابن الفنان مجدي كامل والنجمة مها أحمد حالة من الجدل بعد الكشف عن حالته المرضية وإصابته بمرض خطير.وشارك اللاعب عادل مجدي عبر حسابه على تطبيق تبادل الصور والفيديوهات القصيرة «إنستغرام»، صورة وتعليق عليها بالكشف عن تفاصيل مروره بأزمة صحية.وبحسب ما جاء في الصورة التي نشرها عبر حسابه على تطبيق تبادل الصور والفيديوهات القصيرة «إنستجرام»، فقد ظهر عادل مجدي كامل أمام الكعبة وعلق عليها قائلا «أنا بكتب الكلام ده وأنا إيدي بتترعش وفعلا تعبان ومش قادر، ومش عارف أنا عندي إيه، ومش عارف اتكلم مع حد علشان مش عايز أخلي حد يشيل همي»وتابع عادل مجدي كامل: «بس أنا هكتب الكلام اللي عايز اكتبله ده علشان أنا مش عارف اللي جاي إيه ولا هيحصل إيه، أنا حياتي بايظة بقالها أربعة شهور من يوم ١٥-٦ لحد النهاردة ١٥-١٠».

وتابع «الأربعة شهور دول أوحش أربعة شهور عدوا عليا في حياتي، من يوم ما جيت الدنيا علشان حصلي فيهم حاجات وجعتني وتعبتني وأثرت على نفسيتي، أولهم كان أول حب في حياتي عاش لمدة سنة ونص وكان نهايته يوم ١٥-٦، بعدها كان وفاة حفناوي صاحبي وأخويا يمكن مكناش قريبين من بعض بس مجرد مبنتكلم مع بعض أو بنشوف بعض بيبقى أكننا نعرف بعض من الحضانة، وكان في ذكريات حلوة أوي لينا مع بعض».

وأضاف عادل مجدي كامل في تعليقه على الصورة التي نشرها: «بعدها البيت بتاعنا لما غرق كله ولحد دلوقتي منعرفش غرق إزاي ولا إيه اللي حصل، بس الحمد الله على كل شيء ولحد دلوقتي البيت لسه بايظ، وآخرهم بقى وده لسه من ٣ أيام إني تعبت جدا فجأة، وتعبت تعب مش عادي ومش عارف أنا عندي إيه ولا الدكاترة عارفين أنا عندي إيه، خدت جميع الأدوية وخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل».

واستطرد عادل قائلا: «لو حصل حاجة اكون كتبت كل اللي جوايا و اكون ارتحت اني عملت كده، وعشان برضه تكونوا عارفين إن الضحك والهزار والخروج والأستوريز مش دي الحياة الحقيقية، الحياة الحقيقية هي اللي أنا حكيتها دلوقتي، محدش يعرف أنت حياتك عاملة إزاي ولا إيه اللي بيحصل فيها ولا جواك إيه كله، شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المرة دي أنا بجد حسيت بالموت، فلو عدت على خير، حياة الواحد هتتغير تماماً في كل حاجة حتى في الصور والفيديوهات، أسف إني طولت عليكوا، يا رب أنت الشافي المعافي«.

قد يهمك أيضا:

مجدي كامل يكشف آثار الدمار في منزله بعد غرقه بالمياه
مجدي كامل يكشف الكثير عن أسرار حياته قبل الشهرة