رانيا يوسف تعلق على حلق شيرين لشعرها بعد الطلاق

علقت الفنانة المصرية رانيا يوسف على قيام النجمة شيرين عبد الوهاب بحلق شعرها بالكامل عقب أزمة طلاقها من الفنان حسام حبيب وقالت رانيا يوسف في تصريحات لبرنامج "سينماتك" على قناة "إس بي سي" السعودية: "أنا حاسة بها، هو ارتباط الشعر بالحالة النفسية للست ارتباط غريب، كلنا لما بنعدي بمراحل الطلاق يا بنقص شعرنا يا بنحلقه يا بنغير شكلنا".

وتابعت: "احنا بنبقى عايزين نبتدي حياة جديدة، الشعر تاج الست اللي هو أغلى حاجة عندها، فكون أنها بتتخلى عن أغلى حاجة عندها معناه أنها شخصية قوية ومفيش حاجة تكسرها حتى لو شعرها" وأكدت رانيا يوسف أنها مرت بظروف مثل هذه وقصرت شعرها. وفي سياق آخر، عبرت رانيا يوسف عن استيائها من وضع اسمها في أغنية مغني الراب الجوكر "التالتة ممكن"، وقالت رانيا خلال مداخلة هاتفية مع برنامج "كلام الناس" المذاع على قناة MBC مصر "أنا بصور ومش فاضية للحاجات دي خالص ولا اعرف حاجة عنها"

وتابعت: "أي حد عايز يتشهر، أي مجهول ملوش أي كينونة بيحط اسمي في أي حاجة علشان يتشهر والواحد مش هيسيب حياته ويدور على ناس مجهولة عايزه تتشهر" وأضافت: "زمان مكنتش فاهمة يعني إيه تريند. بعدين اكتشفت أن أي حد عايز يعمل حوار يحشر اسم رانيا وأي حد عايز يعمل مصيبة يحط اسم رانيا علشان يطلع تريند. فخلاص مبقاش يفرق معايا" وتشارك رانيا يوسف حاليا في تصوير مسلسل "شارع 9"، وهو مكون من 45 حلقة، وبطولة محمود عبد المغني، نرمين الفقي، نضال الشافعي، تأليف حسين مصطفى محرم ومن إخراج محمد عبد الخالق.

 قد يهمك أيضــــــــــــــــًا :

رانيا يوسف تشارك جمهورها أهم أسباب السعادة

جنات تُغني تتر مسلسل "شارع 9" لـ رانيا يوسف